Azərbaycanın üç şahmatçısı tay-brekdə mübarizə aparacaq

Azərbaycanın üç şahmatçısı tay-brekdə mübarizə aparacaq

Bakıda keçirilən şahmat üzrə Dünya Kubokunda III mərhələnin cavab görüşləri keçirilib.

 

Azərbaycan şahmatçılarından Teymur Rəcəbov İspaniya təmsilçisi Hayme Santosla heç-heçə edib. Heç bir şahmatçının üstünlüyünün olmadığı partiya heç-heçə ilə yekunlaşıb. İlk görüşdə də heç-heçə qeydə alındığından tərəflər qalibi tay-brekdə müəyyənləşdirəcəklər.

 

Nicat Abasov-Aniş Giri (Niderland) görüşündə də eyni nəticə rəsmiləşib. İlk görüşdə olduğu kimi cavab oyunu da heç-heçə ilə başa çatıb. Növbəti mərhələyə vəsiqənin sahibi sabah tay-brekdə məlum olacaq.

 

FIDE adından çıxış edən Yan Nepomnyaşi ikinci görüşdə də Rauf Məmmədovla heç-heçəyə razılaşıb. Hər iki şahmatçı sabah tay-brekdə qarşılaşacaq.

 

20 yaşlılar arasında dünya çempionu Abdulla Qədimbəyli ABŞ şahmatçısı Rey Robsona uduzmaqla Dünya Kubokunda mübarizəni dayandırıb.

 

Həmyerlimiz Qədir Hüseynovla Lenyer Dominges arasında partiya heç-heçə başa çatıb. İlk görüşdə qalib gələn ABŞ şahmatçısı ümumi nəticəyə əsasən növbəti mərhələyə vəsiqə qazanıb.

 

Günün ən uzun davam edən partiyası çinli dünya çempionu Yu Vençjunla Azərbaycan şahmatçısı Ülviyyə Fətəliyeva arasında oynanılıb. Altı saatdan artıq davam edən görüşün ortalarında Ülviyyə üstünlük əldə etməsinə baxmayaraq, istədiyi nəticəni əldə etməyib. Yekunda çinli şahmatçı qələbə qazanıb. Ülviyyə Fətəliyeva isə Dünya Kubokunda çıxışını dayandırıb.


OXŞAR XƏBƏRLƏR

27 il sonra təsadüfən bioloji valideynlərini tapdı - FOTO

Çinin cənubundakı Quanqdonq əyalətinin Heyuan şəhərindən olan 27 yaşlı He adlı qadın inanılmaz rekorda imza atıb.   Sfera.az bildirir ki, gənc qız bi...

Sakit Okean kurort adası enerji fəlakətinin astanasında

Sakit Okean ada dövləti Samoa sakinləri həftələrdir ki, bütün kəndləri qaranlığa qərq edən və müəssisələrdə böyük fasilələrə səbəb olan elektrik enerjisinin kəs...

Bu müəllimlərin əmək funksiyasına xitam veriləcək

Attestasiya prosesi maksimum şəffaf və sahənin peşəkarlarından ibarət komissiyalar tərəfində aparılıb, eyni zamanda, müvafiq videoçəkilişlər qeydə alınıb. &n...

Tramp TikTok-un ABŞ-da fəaliyyətini daha 75 gün uzadıb

ABŞ Prezidenti Donald Tramp TikTok sosial şəbəkəsinin ABŞ-da fəaliyyətini daha 75 gün uzadıb.   Sfera.az xəbər verir ki, O, bu barədə “Truth So...

Arzu Rzayevə vəzifə verilib? - AÇIQLAMA

19:35   Azərbaycan Dövlət Akademik Musiqili Teatrına yeni direktor müavini təyin olunub.   Mədəniyyət Nazirliyindən Sfera.az-a verilən məl...

Tovuzda itkin düşən məktəbli: "Bir əmi gəlib məni götürdü, gecəni blokda qaldım"

"Məktəbdən piyada getdim. Sonra qaranlıq düşdü. Fəvvarələrdən döndüm. Sonra bir əmi gəldi, məni götürdü Gəncəyə getdik. Orada əmi izimi itirsin deyə qaçdım...