Ərəblər Azərbaycan klubuna 300 min ödədi - SÜRPRİZ TRANSFER
"Sabah"ın düşərgəsində baş verən şok ayrılıq barədə xəbər vermişdik.
Belə ki, komandanın liderlərindən biri olan Con Leys Mikels buradan ayrılıb.
Səudiyyə Ərəbistandan yaxşı təklif alan almaniyalı legioner klubunu dəyişməyə qərar verib.
Keçidlə bağlı yeni məlumatlar əldə etmişik.
Bu transferdən təkcə vinger yox, həm də Azərbaycan klubu bir xeyli qazancaq əldə edəcək.
Düzdü, baş məşqçi Murad Musayev bu keçidə qarşı olub. O, istedadlı yetirməsinin gedişinə razılaşmayıb. Amma rəhbərlik çalışdırıcının istəyin qarşılaya bilməyib.
Belə ki, ön xətt oyunçusunun "tələbələr"lə 2024-cü ilin yayına kimi olan müqaviləsində bənd var ki, 300 min təzminat ödəyən klub futbolçunu heyətinə qata bilər. Ərəblərin də dadına məhz bu bənd çatıb.
29 yaşlı hücumçu 2021-ci ildən "Sabah"ın şərəfini qoruyurdu. O, arxada qalan müddətdə meydana çıxdığı 68 oyunda 32 qol, 19 asistlə yadda qalıb.
