Latviyanın Vətəndaşlıq və Miqrasiya İşləri İdarəsi ölkədə yaşayan ruslara dövləti tərk etmək xahişi ilə məktublar göndərəcək.

Sfera.az bildirir ki, sentyabrda 6 min insan belə mesajlar alacaq.

Bu cür bildirişləri alan ruslar üç ay ərzində Baltikyanı dövlətin ərazisində qalmaq hüququnu itirəcəklər.

Bu barədə Seymənin vətəndaşlıq, miqrasiya və sosial birlik üzrə komissiyasının sədri İnqmars Lidak bildirib.

Bu cür tədbirlər Avropa İttifaqının daimi sakini statusu almaq üçün sınaqdan keçməyə belə cəhd etməyənlərə şamil edilir. Onlar müvafiq imtahandan keçməyib və müvəqqəti yaşamaq üçün icazə almayıblar.

Belə məktublar alan ruslar 3 ay ərzində Latviyada qalmaq hüququnu itirəcəklər. Qanun pozuntusu inzibati cərimə ilə cəzalandırılır. Bu, Latviyada qalmaq üçün başqa icazə, məsələn, viza almış ruslara şamil edilmir.


Daxili İşlər Nazirliyinin dövlət katibinin müavini Vilnis Vitolinş bildirib ki, əgər şəxsin ölkədə qalmaq hüququ yoxdursa, o zaman qalmaq hüququ olan ölkəyə getməlidir. Onun fikrincə, ölkəni tərk etmək üçün bu insanlara kifayət qədər vaxt verilir.

“Gediş vaxtı üç aydır”.

Şəxs Latviyada qeyri-qanuni qalmağa davam edərsə, o zaman dövlət strukturlarının nümayəndələr, hüquq-mühafizə orqanlarının əməkdaşları onlara tərk etməyi xatırladacaqlar. Cinayət məsuliyyəti hələ təmin edilməyib, lakin inzibati məsuliyyət qəbul edilib, buna görə də şəxslər cərimələnə bilər.

Aysel

Sfera.az