Ermənistanda vətəndaşların 67%-dən çoxu baş nazir Nikol Paşinyana etibar etmir.

Sfera.az xəbər verir ki, bu barədə  "GALLUP Beynəlxalq Assosiasiyası"nın Ermənistan nümayəndəliyinin direktoru Aram Navasardyan məlumat verib.

Onun sözlərinə görə, iyulun 25-də Baş nazirin mətbuat konfransını vətəndaşların 65%-i izləyib. “Baş nazirin cavablarına etibar etmək olarmı?” sualına respondentlərin 16,1%-i müsbət, 14,5%-i “​​çox güvənirəm", 13,1%-i “güvənmirəm”, 54,4%-i isə “etibar etmirəm” cavabını verib. 1,8% isə cavab verməkdə çətinlik çəkib.

"Biz görürük ki, respondentlərin 67%-dən çoxu Paşinyanın cavablarına inanmır və bu, kifayət qədər böyük rəqəmdir", - Aram Navasardyan bildirib.

Sorğu iştirakçılarının fikrincə, təhlükəsizlik məsələləri ölkədə ən ciddi problemdir. O cümlədən 32,4 faiz  problem kimi müharibə təhlükəsini, 30,7 faiz Qarabağ problemini, 30,4 faiz ümumilikdə təhlükəsizlik məsələlərini, 27,8 faiz sərhədlərin dəqiqləşdirilməsi məsələsini qeyd edib. Digər problemlərə iqtisadi vəziyyət, işsizlik, qiymət artımı, məhbusların qaytarılması, hakimiyyətin dəyişməsi və s. nümunə göstərilib.

Azərbaycanın tərkibində etnik azlıq statusunun Dağlıq Qarabağ sakinləri üçün məqbul olub-olmaması ilə bağlı suala yalnız 1,1%-i bunun “mütləq məqbul olduğunu”, 2,7%-i bunun “kifayət qədər məqbul” olduğunu, 5,5%-i isə “kifayət qədər qəbuledilməz” olduğunu bildirib.

Əzizə