“Yay mövsümündə ikinci əl avtomobil bazarında köhnə maşınların qiyməti 2 faiz yüksələ bilər".

Bunu Sfera.az-a açıqlamasında nəqliyyat məsələləri üzrə ekspert Eldəniz Cəfər deyib.

Ekspert Nazirlər Kabinetinin “İstismar olunan minik avtomobillərinin Azərbaycan Respublikasının gömrük ərazisinə gətirilməsinin məhdudlaşdırılması haqqında” qərarından sonra  ölkəyə gətirilən yeni avtomobillərin gömrük rüsumlarının azaldılmasının  uyğun olduğunu bildirib:

"Sözügedən qaydanın tətbiqindən sonra mühərrik həcmi kiçik olan avtomobillərin, ölkəmizə idxal olunan yeni avtomobillərin gömrük rüsumlarının azaldılması yaxşı olardı. Dövlət artıq bu istiqamətdə müəyyən addımlar atıb. Belə ki, ölkəmizə idxal olunan hibrid avtomobillər və elektromobillər üçün güzəştlər tətbiq edilib. Elektromobillər ümumiyyətlə bütün gömrük rüsumlarından azaddır, hibrid avotomobillər isə idxal zamanı ƏDV-dən azad edilib. Belə düşünürəm ki, gələcəkdə yeni və mühərrik həcmi kiçik olan avotomobillər üçün müəyyən güzəştlərin tətbiq edilməsi avtomobil bazarına müsbət təsir edərdi”.

Qeyd edək ki, bu ilin mart ayında Nazirlər Kabineti “İstismar olunan minik avtomobillərinin Azərbaycan Respublikasının gömrük ərazisinə gətirilməsinin məhdudlaşdırılması haqqında” Qərar qəbul edib.

Qərarda qeyd edilir ki, “Zavod buraxılış tarixinə görə yaşı 10 ildən çox olan minik avtomobillərinin (raritet minik avtomobilləri və gömrük ərazisinə müvəqqəti gətirilən minik avtomobilləri istisna olmaqla) Azərbaycan Respublikası ərazisinə gətirilməsi məhdudlaşdırılsın”.

Əzizə