Mariya Zaxarova Paşinyana hirsləndi: “Hoqqabazlıqdır...”
"Rusiya xüsusilə indiki son dərəcə ağır humanitar vəziyyət fonunda Rusiya sülhməramlılarının Dağlıq Qarabağdan çıxarılması ilə bağlı mümkün qərarı anlaşılmaz hesab edir".
Sfera.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova Ermənistanın Baş naziri Nikol Paşinyanın sözügedən yanaşmasına görə deyib.
"Sülhməramlılarımız mühüm funksiyalar yerinə yetirirlər. Bunlar əsirlərin dəyişdirilməsi, minaların təmizlənməsi və insidentlərin tənzimlənməsi, humanitar yardımın göstərilməsidir. Bu fəaliyyət doğrudanmı Ermənistan rəhbərliyi baxımından lazımsızdır, arzuolunmazdır?”, - deyə Zaxarova bildirib.
Zaxarova vurğulayıb ki, Ermənistan rəhbərliyinin nümayəndələri bir sıra əsas məsələlərdə tez-tez qeyri-müəyyən mövqe tuturlar.
"Sözlə hoqqabazlıq yaxşılığa işarə deyil. Rusiya sülhməramlı kontingentinin yerləşdirildiyi zonada təhlükəsizliyin təmin edilməsi ən yüksək səviyyədədir", - o deyib.
Əzizə
