Bildiyiniz kimi, 27 aprel 2023-cü il tarixində “Naxçıvan” Universiteti ilə Azərbaycan Dövlət İqtisad Universiteti (UNEC) arasında əməkdaşlıq müqaviləsi imzalanıb.

Müqavilədə hər iki ali təhsil müəssisəsinin Elmi Kitabxanaları arasında  əməkdaşlıq memorandumunun imzalanması da nəzərdə tutulub.  

Bu məqsədlə yaxın günlərdə “Naxçıvan” Universiteti Elmi Kitabxanasının müdiri Emelya Süleymanova və Azərbaycan İqtisad Universitetinin Kitabxana İnformasiya Mərkəzinin (UNEC KİM) direktoru Adilə Abdullayeva arasında kitabxana sistemi ilə bağlı onlayn görüşlər keçirilib, qarşılıqlı əməkdaşlıq məsələləri müzakirə edilib.  

Onlayn görüşlərin nəticəsində artıq Azərbaycan İqtisad Universitetinin Kitabxana İnformasiya Mərkəzinin (UNEC KİM) elektron kitabxanası “Naxçıvan” Universitetinin professor-müəllim heyətinin və tələbələrinin istifadəsinə verilib. 

Eyni zamanda, universitet heyəti və tələbələr UNEC KİM-in açıq girişi olan və abonə olduqları elektron bazalarındakı 1 milyona yaxın resursdan istifadə edə biləcəklər. 

İndi isə sizə açıq girişi olan və istifadə edə biləcəyimiz elektron bazaları təqdim edirik:

1. AgEcon- Kənd təsərrüfatı və iqtisadiyyata dair resurslar 

2. Açıq elmi kataloq 

3. Açıq dərslik kitabxanası 

4. Açıq jurnallar 

5. Ankara universitetinin resursları 1 

6. Ankara universitetinin resursları 2 

7. Birləşmiş Millətlər Kitabxanası 

8. Beynəlxalq Valyuta Fondu 

9. Dünya Fondu 

10. Müxtəlif bilik sahələri üzrə resurslar 

11. Elsevier | An Information Analytics Business- Qeyd edək ki, 1880-ci ildə Hollandiyada əsası qoyulmuş "Elsevier”  dünyanın 180-dən çox ölkəsinə xidmət göstərən "Elsevier” korporasiyası elmi, texniki və tibbi məzmunda ixtisaslaşmış nəşriyyat və analitika şirkətidir. Arxivində 16 milyondan çox sənəd və 33 000-dən çox elektron kitab olan, hər il 2500 jurnalda 470 mindən çox məqalənin dərc edildiyi korporasiyanın məhsulları üzrə illik yükləmələrin sayı 1 milyarddan çoxdur.

Eyni zamanda, "Elsevier” sıralarında "ScienceDirect”, "Scopus”, "Elsevier Research Intelligence” və "Clinical Key” kimi mükəmməl elektron xidmətlərin olduğu veb-bazalı, rəqəmsal həllər və "The Lancet” və "Cell” kimi məşhur nəşrləri əhatə edir.   

12.Hindawi //www.hindawi.com/ - 

13. Siyasi elmlərə dair jurnallar 

14. İnternet arxivi 

15. Bakı Dövlət Universitetinin resursları elibrary.bsu.az 

16. EconBiz 

17. Dünya rəqəmsal kitabxanası 

18. Kembric Universiteti Nəşri 

19. Kembric Universiteti Nəşri 2 

20. İstanbul Universiteti kitabxanası 

21. Universal Rəqəmsal Kitabxana-Milyon Kitab Kolleksiyası 

22. İKSAD Beynəlxalq Nəşriyyat Evi 

Abunə olduqları elektron bazalar: 

1. İPRSMART 

2. Emerald 

3. EBSCOhost.