“Moskva hazırkı fasilədən yeni zərbələr üçün istifadə edə bilər” - Ekspert
Ukrayna Moskvanın uzunmüddətli fasilədən zərbə endirmək üçün istifadə edəcəyindən ehtiyatlanaraq Rusiya ilə sülh danışıqlarından yayınır.
Sfera.az xəbər verir ki, bu barədə İsveç Beynəlxalq Münasibətlər İnstitutunun nəzdində yerləşən Stokholm Şərqi Avropa Araşdırmaları Mərkəzinin politoloqu və analitiki Andreas Umland ABŞ-nin “Politico” qəzetinə verdiyi müsahibədə bildirib.
“Strateji mülahizələr Kiyevdə Moskvaya inamsızlıq yaradır. Moskva sadəcə olaraq, fasilədən öz ordusunu, iqtisadiyyatını və əhalisini gələcəkdə yeni hücuma hazırlamaq üçün istifadə edə bilər”, - ekspert yazır.
Umlandın fikrincə, “Rusiya dövlətinin imperiya ənənələri o qədər güclüdür ki, Moskva ilə Kiyev arasında yalnız “Rusiyanın aşkar və sarsıdıcı məğlubiyyətindən” sonra danışıqlara söykənən razılaşma əldə oluna bilər.
Qeyd edək ki, bundan əvvəl Rusiya Prezidenti Vladimir Putin bildirmişdi ki, Moskva Ukraynanın genişmiqyaslı hücum əməliyyatı aparması səbəbindən atəşkəslə bağlı təklif olunan Afrika sülh təşəbbüsünün bəndini yerinə yetirə bilməz.
Əzizə
