"Nigerdə ​​fransızlara qarşı hücumlara sərt cavab veriləcək" - Makron

Emmanuel Makron Nigerdə ​​fransızlara qarşı hücumlara sərt cavab verəcəyini vəd edib.

Sfera.az xəbər verir ki, bəyanat Nigerin paytaxtı Niameydəki Fransa səfirliyində baş verən hadisələrlə bağlı verilib.

Prezident ofisi vurğulayıb ki, Makron “Fransa və onun maraqlarına qarşı heç bir hücuma dözməyəcək”.

Səfirlik binası yaxınlığında toplaşan minlərlə nümayişçi - hərbi iğtişaşçıların tərəfdarları, Fransa əleyhinə şüarlar səsləndirir, onlardan bəziləri diplomatik nümayəndəliyin ərazisinə daxil olmağa çalışır.