"Çelsi"nin ulduzu dağlarda çılpaq gəzmək üçün 29 yaşında futboldan imtina etdi - FOTOLAR

Onun parlaq karyerası var idi. Hətta 2014-cü ildə Almaniya millisi ilə Dünya Kubokunu da qaldırıb, lakin 29 yaşında, karyerasının ən pik vaxtında butslarını asmaq barədə gözlənilməz qərar azarkeşləri üçün tamamilə gözlənilməz olub. Amma İnstaqramda daim 5 milyona yaxın izləyicisi ilə mütəmadi olaraq əlaqə saxlayır.
 

Sfera.az bildirir ki, “Çelsi”nin ulduzu Andreas Schürrle artan tənhalıq hissindən və başqaları ilə sonsuz görünən rəqabətdən, yəni peşəkar idman dünyasında immanent olanlardan yorulduğunu bildirib.
 

Yarımmüdafiəçi karyerasını "Borussiya Dortmund"da başa vurub, sonra isə bir çox həmkarı kimi adi karyera yolunu davam etdirmədən futbolu tamamilə tərk edib.


Andreas Schürrle instaqramda futbol sahəsindəki çıxışlar zamanı toplamış olduğu kifayət qədər çox izləyici bazası ilə dırmaşma nailiyyətlərini də ətraflı şəkildə paylaşır.

Məşqçilik karyerası və ya hansısa klubda funksioner vəzifəsi əvəzinə, 32 yaşında Andreas qarlı zirvələrə qalxmağa üstünlük verir. O, Instagram-da dırmaşma nailiyyətlərini təfərrüatlı şəkildə paylaşır.
 

Keçən həftə o, Almaniyanın ən hündür nöqtəsinə səkkiz saatlıq dırmaşmaq üçün gecə yarısı yola düşüb.
 

Keçmiş “Çelsi” ulduzu Zugspitze hündürlüyünə, təxminən 3000 metrə qalxarkən lentə alınan videoya "Gecə saat 2, səssizlik, tam yorğunluq, zirvəyə hələ beş saat, soyuq, beynimdə bir milyon sual"- deyə şərh edib.
 

Daha sonra Andreas buzlu şəlaləyə dalmağın videosunu yayımlayıb.
 

Bu ilin yanvar ayında o, çoxlu pərəstişkarları üçün kült fiqur olan Hollandiyalı ekstremal idmançı Wim Hof ​​tərəfindən hazırlanmış “Iceman” yarışmasını tamamlamağa çalışdığını da açıqlayıb.


Ekstremal Wim Hof
 

63 yaşlı bu adam şortikdən başqa heç nə geyinmədən Kilimancaro dağına dırmaşması və rekord 112 dəqiqə buz qutusunda dayanması ilə məşhurdur.

Qeyd edək ki, buz elementi depressiya üçün bir vasitə kimi populyardır. Guya tam daldırma ilə adrenalin səviyyəsi 6,4 dəfə, dopamin isə 3,5 dəfə artır.

Keçmiş futbolçunun sözlərinə görə, bu çağırış onun üçün həyatında ən çətin sınaq olub. O, yalnız çəkmə, əlcək və şort geyinib.

"Heç vaxt unuda bilməyəcəyim bir təcrübə. Mənfi 19 dərəcə, üzümüzdə 100 km/saat külək, qar və buz vurur. Nəyi öyrəndim? - bədənim düşündüyümdən daha güclüdür. Buna həm ağıl, həm də ruh əlavə etsəm,hər şeyə nail ola bilərəm”-deyə Schürrle yazıb.

Keçmiş Bundestim ulduzu, bu cür radikal yanaşmanın həqiqətən sağlamlıq üçün faydalı olub-olmadığını soruşan bir pərəstişkarına hər şeyin məhdudiyyətləri aşmaq və gücünüzü qazanmaq olduğunu deyib.
 

Aynil

Sfera.az