"Quranın yandırılmasını kəskin şəkildə pisləyirik” - Rusiya XİN

“Moskva Danimarkada Quranın yandırılması ilə bağlı aksiyanı kəskin şəkildə pisləyir”.

Sfera.az TASS-a istinadən xəbər verir ki, bu barədə Rusiya XİN-in rəsmi nümayəndəsi Mariya Zaxarova brifinqdə bildirib.

“Biz bu və buna bənzər ekstremist hərəkətləri kəskin şəkildə pisləyirik. Hər hansı bir dinə hörmətsizlik etmək yersizdir”, - o deyib.

Xatırladaq ki, iyulun 24-də Danimarkanın paytaxtı Kopenhagendə İraq səfirliyi qarşısında etiraz aksiyası keçirilib. Aksiya zamanı iki etirazçı Quranı yandırıb.