Göyçay Rayon İcra Hakimiyyəti başçısının 13 iyul 2023-cü il tarixdə Göyçay rayonunun Qarabağlar kəndində keçirilən səyyar qəbulunda kənd sakinləri yaşadıqları məhəllədə qəzalı vəziyyətdə olan elektrik dirəyinin dəyişdirilməsi barədə müraciət ediblər.

Sfera.az xəbər verir ki, kənd sakinlərinin müraciəti nəzərə alınaraq “Azərişıq” ASC-nin “Mərkəzi Aran” Regional Enerji Təchizatı və Satış İdarəsinin Göyçay Elektrik Şəbəkəsi tərəfindən vətəndaşların yaşadıqları məhəllədə 3 ədəd elektrik dirəyi və 250 m məsafədə elektirik xətti dəyişdirilərək yenisi ilə əvəz olunub.

Həmin ərazidə yaşayan vətəndaşların elektrik enerjisi ilə təminatının dayanıqlı və keyfiyyətli olması təmin edilib.