Bred Pitt Ancelina Colinin alçaltmalarına cavab verdi
Hollivudun keçmiş həyat yoldaşları Ancelina Coli və Bred Pitt arasında ictimai müharibə davam edir. Xəbər verdiyimiz kimi bu dəfə atışma mövzusu “Chateau Miraval” olub. “Château Miraval”, Fransanın cənubundakı Provansda, cütlüyün ortaq mülkiyyətində olan və o vaxtdan bəri onların yüksək profilli qarşıdurmasının mərkəzinə çevrilən üzüm bağıdır. Pitt Colini hər şeyə əl atmağa çalışmaqda günahlandırır.
"Coli və Nouveldən (Colinin keçmiş investisiya firması) Bradin razılığı olmadan ailənin şəxsi evində və şərab biznesindəki paylarını satmamaq tələb olunurdu. Lakin onlar bunu gizli şəkildə, Rusiya oliqarxı Yuri Şetler tərəfindən idarə olunan Tenute del Mondonun iddia edilən bir qurumunun satışı ilə həyata keçiriblər. O vaxtdan bəri müttəhimlər biznesi düşməncəsinə ələ keçirməyə cəhd ediblər."
Öz növbəsində Coli cavab verib ki, “Bredin hərəkətləri qeyri-ciddi, pis niyyətlidir və problemli modelin bir hissəsidir”.
Colinin keçmiş investisiya firması Nouvel tərəfindən açılan məhkəmə iddiasına görə, "Pittin xanım Coli ilə mülkdəki paylarının satışına razılıq vermək üçün gizli, yazılmamış, üstüörtülü razılaşmaya malik olduğuna dair iddiaları yazılı sənədlərlə birbaşa ziddiyyət təşkil edir".
Pitt həmçinin üzüm bağında boş layihələrə, o cümlədən səsyazma studiyasının tikintisinə və hovuzun təmirinə milyonlarla dollar xərcləməkdə ittiham olunub.
Colinin vəkilləri aktyoru özünü şərabçı adlandırdığına görə tənqid edib, bunun əvəzinə "palçıq və üzümlə deyil, illüziyalarla alver etdiyini" bildiriblər.
Qeyd edək ki, 2022-ci ildə şərabçı Marc Perrinin köməyi ilə yaradılan “Rosé” brendi Pitt və Coliyə 16 milyon dollardan çox gəlir gətirib. Cütlük 2016-cı ildə boşandıqdan sonra Pitt "Şato Miraval üzərində faktiki nəzarəti ələ keçirmək üçün indiyə qədər uğurlu plan hazırladığını" iddia edib.
