İyunda təyyarə biletləri 100 manat bahalaşıb

2023-cü ilin iyununda təyyarə biletlərinin qiyməti (MDB ölkələri istisna olmaqla) orta hesabla 100 manat artıb. 

Sfera.az xəbər verir ki, mayda bir gedişin qiyməti 865 manat olduğu halda, iyunda qiymət 955 manata yüksəlib. 

Qiymət artımı MDB ölkələrinə uşuş qiymətlərində də müşahidə olunur. MDB ölkələrinə olan qiymətlər orta hesabla 35 manat artaraq 819 manat təşkil edib. 

Təyyarə ilə sərnişindaşıma qiymətlərinin yenidən artmasının səbəbi yay mövsümündə turist səfərlərinin sayının artmasına baxmayaraq quru sərhədlərinin bağlı qalmasıdır. Quru sərhədlərin bağlı olması Azərbaycana və ya ölkəmizdən xaricə səfər etmək istəyən şəxsləri təyyarələrdən istifadə etməyə məcbur edir. Mövcud vəziyyət təyyarə biletlərinə olan tələbi artırır ki, bu da qiymətlərin yüksəlməsinə səbəb olur. 

İndiki şəraitdə quru sərhədlər açılmasa ehtimal etmək olar ki, iyulda da biletlərin qiyməti artacaq və ya indiki yüksək səviyyədə qalacaq. 

Vasif