Bakıda məşhur restoranda dava - İki ofisiant tutuldu

Bakı şəhər Babək prospektində yerləşən “Monte Karlo” şadlıq sarayında işçilər arasında kütləvi dava olub.

Sfera.az “Qafqazinfo”ya istinadən xəbər verir ki, orada keçirilən toy məclisindən sonra 1985-ci il təvəllüdlü Murad Musayev bıçaqlanb. O, ağır vəziyyətdə xəstəxanaya aparılıb.

İlkin araşdırmalardan sonra hadisəni orada ofisiant işləyən Masallı sakinləri, 1993-cü il təvəllüdlü Zaur Əkbərov və qardaşı Əli tərəfindən törədilməsi müəyyən edilib. Onlar saxlanılıblar.

Faktla bağlı Nizami RPİ-nin 23-cü Polis Bölməsində araşdırma aparılır.