Azərbaycanda bu məhsullar UCUZLAŞDI - ADLAR
İyunda mövsümi amillərin təsiri ilə bir çox ərzaq məhsulunun dəyəri may ayına nisbətən enib.
Sfera.az rəsmi statistikaya istinadən xəbər verir ki, iyunda 13 əsas mal qrupundan 7-də qiymətlər enib, 3-də qiymətlər artıb, 3-də isə qiymətlər sabit qalıb.
Ən çox qiymət azalması qeydə alınan mal qrupu tərəvəzlər olub. Tərəvəzlərin dəyəri orta hesabla 12,6 faiz enib. Mayda 100 manata alınan tərəvəzləri iyunda 87,4 manata almaq mümkün olub. Tərəvəzlərdən xiyar, pomidor, bibər, badımcan, göy lobya, sarımsaq, soğan, kartof, yerkökü, mərci ucuzlaşıb.
Daha çox ucuzlaşan digər ərzaq növü meyvələr olub. Meyvələrin qiyməti bir ayda 3,5 faiz azalıb. Meyvələrdən ərik, gilas, çiyələk, banan ucuzlaşıb. Meyvə və tərəvəzlərdən başqa yumurta (1,5 faiz), kərə və bitki yağları (1,1 faiz) nəzərəçarpacaq dərəcədə dəyər itirib. İyunda ərzaq mallarında bahalaşma istə güclü olmayıb. Ən çox ət və ət məhsullarının qiyməti artıb ki, burada da bahalaşma sürəti 0,7 faiz təşkil edib.
Vasif