İqtisadi Əməkdaşlıq və İnkişaf Təşkilatı (OECD) “Süni intellekt və əmək bazarı” başlığı ilə “Məşğulluğun Görünüşü 2023” hesabatını dərc edib.

Sfera.az xəbər verir ki, hesabatda süni intellektin əmək bazarına təsirinə dair aparılan təhlillərlə bağlı məlumatlar əksini tapıb.

Hesabatda bildirilir ki, şirkətlərin süni intellektdən istifadəsi genişlənir və bu əmək bazarında problemlər yarada bilər. OECD hesab edir ki, xüsusən inkişaf etmiş ölkələr “süni intellekt inqilabı” astanasındadırlar. Hesabatda qeyd olunub ki, süni intelekrdən istifadə edəcək peşələr məşğulluğun təxminən 27 faizini təşkil edir. Bura tikinti, əkinçilik, balıqçılıq və meşə təsərrüfatı kimi aşağı və orta ixtisaslı işlər də daxildir.

İşçilər süni intellektə görə işlərini itirməkdən narahatdırlar. Hesabatda indiyədək süni intellektdən istifadə edən firmalar arasında məşğulluğa mənfi təsirlərə dair çox az dəlil tapıldığı da vurğulanır. Amma süni intelektdən geniş istifadənin məşğulluğu azaldacağına dair risklərin yüksək olması da istisna edilmir. Hesabatda hər 5 işçidən 3-nün yaxın 10 ildə iş yerlərini tamamilə itirməkdən narahat olduğuna vurğulanır.

Vasif