Göyçay şəhəri ərazisində abadlıq və təmizlik işləri aparılıb - FOTOLAR

Son aylar Göyçay rayonu ərazisində abadlıq işləri çərçivəsində küçələrin işıqlandırılması, yaşıllıqların artırılması, suvarma arxlarının qazılması, avtomobil və piyada yollarının qaydaya salınması istiqamətində əsaslı işlər aparılır.

Sfera.az xəbər verir ki, 11 iyul 2023-cü il tarixdə şəhərin Heydər Əliyev prospektində və Rəsul Rza küçəsində avtomobillərin rahat gediş-gəlişinin təmin olunması üçün yolun dağılmış hissələrinə asfalt örtüyü çəkilərək cari təmir işləri aparılıb. Həmçinin şəhərin Nizami küçəsində yararsız vəziyyətdə olan elektrik dirəkləri yenilənib. 

Görülən işlərlə yanaşı A.Faruq, 20 Yanvar və İ.Göyçaylı küçələrindən keçən su bərələri lil və çöküntülərdən təmizlənərək qaydaya salınıb.