Göyçay Rayon İcra Hakimiyyətində vətəndaşların müraciətləri dinlənildi - FOTOLAR
Cəmiyyət
15:51 / 11.07.2023
3986
11 iyul 2023-cü il tarixində Göyçay Rayon İcra Hakimiyyətində vətəndaşların növbəti qəbulu keçirilib.
Sfera.az xəbər verir ki, qəbulda rayon icra hakimiyyəti başçısı Natiq Ağayev, aparatın şöbə müdirləri, aidiyyəti idarə, müəssisə və təşkilatların nümayəndələri iştirak ediblər.
Vətəndaşların müraciətləri dinlənilib və onların qaldırdıqları məsələlərlə bağlı qanunvericiliyin tələbləri izah olunub, icra hakimiyyətinin səlahiyyətləri daxilində olan məsələlərin həlli üçün yerində tapşırıq verilib, digər mövzularla bağlı isə aidiyyəti qurumların yerli nümayəndələrinə tapşırıq verilib.
Ümumilikdə qəbul zamanı 40-a yaxın rayon sakininin müraciətinə baxılıb. Şəhid ailələri, qazilər və müharibə iştirakçıları isə növbədənkənar qəbul edilib.