Rusiyada “Aİ-92” markalı benzinin bir tonunun qiyməti 59,4 min rubla (1 117 manat) yüksəlib.

Sfera.az xəbər verir ki, benzinin qiyməti iyulun 11-də Sankt-Peterburq Beynəlxalq Əmtəə Birjasında keçirilən ticarət zamanı tarixi rekorda həddi çatıb.

“Aİ-92” markalı benzinlər yanaşı digər yanacaq növləri də bahalaşıb. “Aİ-95” premium markalı benzinin bir tonunun dəyəri 66 140 rubl (1 243 manat), dizel yanacağının dəyəri isə 51,87 min rubl (975 manat) təşkil edib.

Rusiyada avtomobil yanacağının bahalaşmasının səbəbi rublun dəyərdən düşməsidir. Hazırda bir dollar 90 rubla bərabərdir. Mövcud məzənnə bir ay öncə qeydə alınan məzənnədən (83 rubl) 8,4 faiz yüksəkdir.

Qeyd edək ki, bir müddət öncə Baş nazirin müavini Aleksandr Novak Rusiya neft şirkətlərinə müraciət edərək qiymətləri artırmamağı xahiş etmişdi. Birjada qeydə alınan yeni qiymətlər göstərir ki, şirkətlər yanacaq qiymətlərini artırmaq məcburiyyətində qalıblar.

Vasif