Azərbaycan insanı gündə neçə kalori qəbul edir, ən çox nə yeyir? – Statistika AÇIQLANDI

Azərbaycan əhalisinin istehlak etdiyi qida məhsullarının kaloriliyi artıb.

Sfera.az açıqlanan rəsmi məlumatlara istinadən xəbər verir ki, 2022-ci ildə sutka ərzində istehlak edilən qida məhsullarının kaloriliyi 2960 olub. Bu göstərici 2021-ci ildə 2958, 2001-ci ildə 2221 idi.

Qəbul edilən kalorinin 17 faizi heyvan, qalanı bitki mənşəli olub.

Məlumata görə əhali gün ərzində adambaşına 77 qram zülal, 79,3 qram yağ, 460 qram karbohidrat qəbul edib.

Statistika göstərir ki, Azərbaycan əhalisinin daha çox istehlak etdiyi qida məhsulu kartofdur. İldə adambaşına düşən kartof istehlakının miqdarı 77 kq-dır.

Çörək istehlakı 59 kq, un istehlakı 55 kq, soğan və sarımsaq 28 kq, alma 20,5 kq, süd 18,4 kq, qatıq 15 kq, mal və dana əti 13,5 kq təşkil edir.

Vasif