Müharibənin 500-cü gününü qeyd etmək üçün Zelenskinin İlan adasına səfəri dünya mediasında gündəm olub.

Sfera.az “The Telegraph”a istinadən xəbər verir ki, adaya gözlənilməz səfər edən Ukrayna liderinin sözləri də müzakirə obyektinə çevrilib.

“Bu gün işğalçılar tərəfindən heç vaxt fəth edilməyəcək İlan adasındayıq, çünki biz cəsurlar ölkəsiyik. Bu 500 gündə hər bir əsgərimizin qələbələrinə, Silahlı Qüvvələrimizə, kəşfiyyatımıza, Milli Qvardiyamıza, sərhədçilərimizə, Ukrayna Təhlükəsizlik Xidmətinə, Milli Polisə, siqnalçılarımıza, xalqımıza bu yerdən təşəkkür etmək istəyirəm. Ukrayna uğrunda döyüşən hər kəsə təşəkkür edirəm. Biz mütləq qalib gələcəyik”, deyə Zelenski söyləyib.

Qeyd edək ki, müharibənin başladığı ilk günlərdə Rusiya hərbçilərinin “təslim ol” çağırışına Ukrayna əsgərlərinin verdiyi “rədd ol” cavabı bu savaşın rəmzinə çevrilmişdi.

Türkan