Təyyarə çox ağır olduğu üçün pilot 19 sərnişini düşürdüb

Britaniyanın “EasyJet” aviaşirkətinin Lanzarote adasından Böyük Britaniyaya uçan reysi təxminən iki saat gecikib. Hava limanından yola düşməzdən əvvəl 19 sərnişin təyyarəni tərk etmək məcburiyyətində qalıb.

Sfera.az bildirir ki, sərnişin Rayan Uilyamsın paylaşdığı TikTok videosunda EZY3364 reysinin pilotunun təyyarədəkilərə vəziyyətlə bağlı olduqca qeyri-adi açıqlamalar verdiyi eşidilir. Bir saatdan çox gözlədikdən sonra o, sərnişinlərə havaya qalxmağın mümkün olmadığını bildirib.

"Siz çox olduğunuza görə, bu gün bizim kifayət qədər ağır təyyarəmiz var". Pilot bildirib ki, ekipajın oxşar hadisələrlə bağlı təcrübəsi var, lakin ehtiyat tədbirləri səbəbindən gecikmədən havaya qalxmaq mümkün olmayıb.

“Əlbəttə, ağır təyyarə ilə bağlı problemi həll etməyin yeganə yolu onu bir az yüngülləşdirməkdir”- deyə pilot əlavə edib.

Daha sonra o, 20-yə qədər könüllüdən təyyarədən enməyə qərar vermələrini və həmin gecə səyahətə davam etməmələrini istəyib. Onun sözlərinə görə, könüllülər hər eniş üçün 544 dollar mükafat alacaqlar. Qalan sərnişinlər Britaniyaya uçub və təyyarə uğurla eniş edib.

"Bu, bu şəraitdə normal əməliyyat qərarıdır və təhlükəsizlik səbəbi ilə bütün aviaşirkətlərdə çəki məhdudiyyətləri tətbiq olunur"- deyə “EasyJet” sözçüsü bildirib.

Aynil