Kostik dumandan yerli əhali nəfəs ala bilməyəcək hala gəlib - FOTO

Rusiyanın Tula vilayətinin Novomoskovsk şəhərində yerli sakinlər kəskin dumandan və çöldə 30 dərəcə isti olarkən pəncərələri bağlamağa məcbur edən pis qoxudan şikayətlənirlər.

Sfera.az bildirir ki, yerli sakinlərin sözlərinə görə, vəziyyət o qədər kritikdir ki, onlar telefonu götürə bilmədikləri üçün “112” təcili xidmətinə də müraciət edə bilmirlər.

Rusların sosial mediada yerli qruplara və icmalara qəzəbli şərhlər paylaşdığı bildirilir. İnsanlar şəhərin demək olar ki, hər yerindən gələn xoşagəlməz qoxudan şikayətlənirlər.

Bundan əlavə KİV-də deyilir ki, hələ iyulun əvvəlində qoxunun mənbəyini müəyyən etmək üçün Novomoskovsk administrasiyasında müşavirə keçirilib, lakin heç bir nəticə olmayıb. Bir istifadəçi yerli hakimiyyətin heç nə axtarmaq istəmədiyini bildirib.

Novomoskovskdan şərhlər:

Tula səhiyyə xidmətinin məlumatına görə, Novomoskovsk respirator xəstəliklər riski yüksək olan regionlar siyahısına daxil edilib. Bundan əlavə, Novomoskovsk regionun ən çirkli şəhəri kimi tanınır. Maraqlıdır ki, bu rusların Novomoskovskdakı ekoloji vəziyyətdən ilk narazılığı deyil.

Belə ki, bu ilin birinci yarısında şikayətlərin sayı bütün əvvəlki illərlə müqayisədə demək olar ki, hamısının cəmi ilə eyni olub.

Aynil