Rusiya prezidenti Vladimir Putin avqustda Türkiyəyə səfər edəcək.

Sfera.az bildirir ki, bunu prezident Rəcəb Tayyib Ərdoğan deyib.

O, Ukrayna prezidenti Volodimir Zelenski ilə birgə mətbuat konfransında Moskvanı taxıl müqaviləsini ən azı üç ay uzatmağa çağırıb. Ərdoğan sazişin 17 iyuldan sonra və daha uzun müddətə uzadılması üzərində iş aparıldığını bildirib. Onun sözlərinə görə, Putinlə gələn ay Türkiyədə keçiriləcək görüşdə gündəmdəki ən mühüm məsələlərdən biri sövdələşmə olacaq.

Kremlin sözçüsü Dmitri Peskov isə Putinin avqustda Türkiyəyə səfərinin olub-olmaması ilə bağlı suala belə cavab verib: “Əlaqələr mümkündür. Hələlik dəqiq tarixlər yoxdur”.

Günay Rəsulqızı