“Mənə 50 yaş ancaq vermək olar” - Dalay Lama 88 yaşını qeyd edir
İyulun 6-da Tibetin ruhani lideri, məşhur Dalay Lama 88 yaşını qeyd edir.
Sfera.az bildirir ki, “Associated Press”in məlumatına görə, yüzlərlə tərəfdar və sürgün edilmiş tibetli onun Dharamsaladakı dağlıq Hindistan qərargahını doldurub.
Ruhani lider Tibet və Buddist bayraqları və portretləri ilə bəzədilmiş Tsuqlaxanq məbədinin həyətində şənliklərə rəhbərlik etmək üçün üstü açıq mobil furqonunda gəldiyi zaman sənətçilər tərəfindən ənənəvi qarşılanma melodiyaları oxunub.
"88 yaşımı qeyd edirik, amma mənə baxın, 50 yaşına yenicə girmiş kimi görünürəm"- deyə Dalay Lama gülümsəyərək bildirib.
Tibetin doğma Buddist mədəniyyətinin qorunmasını müdafiə edən Tibet ruhani liderinin əhval-ruhiyyəsi daim yaxşıdır və ad günündə belə yumor hissini itirməyib. 1959-cu ildə Çin hakimiyyətinə qarşı uğursuz üsyandan sonra Tibetdən qaçan Dalay Lama Dharmsala təpə şəhərində qərargah salıb. Dalay Lama separatçı olduğunu inkar edir və deyir ki, o, yalnız Tibetin yerli Buddist mədəniyyətinin əsaslı muxtariyyətini və qorunmasını müdafiə edir.
Qeyd edək ki, bu ilin aprel ayında Dalay Lama kiçik bir uşağı dodaqlarından öpərək "Dilimi əm" dediyini göstərən videonun internetdə yayılmasından sonra geniş tənqidlərlə üzləşmişdi. Görüntülər internetdə əks reaksiyaya səbəb olub, sosial şəbəkə istifadəçiləri onun davranışını qeyri-münasib olaraq pisləyiblər.
Dalay Lama daha sonra rəsmi internet səhifəsində yayımladığı bəyanatda üzr istəyib. O, hadisədən təəssüfləndiyini və sözlərinin səbəb olduğu qalmaqala görə oğlandan və ailəsindən, eləcə də dünyadakı bir çox dostlarından üzr istədiyini bildirib.
Aynil
