ABŞ müdafiə sənayesinə böyük zərbə - Sənayeçilər Çindən asılı oldular
Avqustun 1-dən Çinin Ticarət Nazirliyi və Baş Gömrük İdarəsi müdafiə sənayesində istifadə olunan qalium, germanium və digər kimyəvi birləşmələrə ixrac nəzarətini tətbiq edəcək.
Sfera.az xəbər verir ki, Çin “Global Times”ın köşə yazarları iyulun 4-də bu addımın milli təhlükəsizlik və maraqları qorumaq məqsədi daşıdığını bildirib.
Çinli hərbi analitiklər bununla bağlı amerikalıların Çinin inkişafını hərbi yolla cilovlamağa çalışdığı bir vaxtda xüsusilə qalliuma ixrac nəzarəti ABŞ müdafiə sənayesinə zərbə vuracağını bildirib.
Çin hərbi aviasiya mütəxəssisi Fu Qianshao qeyd edib ki, qallium əsaslı birləşmələr aktiv elektron skaner massivi (AESA) radarlarında istifadə edilən ötürücü modulların istehsalında geniş istifadə olunur. O vurğulayıb ki, bu radarlardan müasir hərbi təyyarələrdə, döyüş gəmilərində və yerüstü qurğularda geniş istifadə olunur.
“Raytheon” və “Northrop Grumman” kimi ABŞ-ın tanınmış müdafiə şirkətləri qallium nitridi (GaN) istifadə edərək yeni AESA radar sistemləri hazırlayır. Material həmçinin F/A-18E/F daşıyıcı əsaslı qırıcıda və F-35 gizli qırıcısında istifadə edilən ən son radarlara inteqrasiya olunub.
"Çinin dünya qallium ehtiyatlarının təxminən 85%-nə sahib olduğunu nəzərə alsaq, çətin ki, ABŞ və digər Qərb ölkələri Çin materiallarının istifadəsindən əhəmiyyətli xərclər olmadan yan keçə bilsinlər"- deyə Fu Qianshao bildirib.
Aynil
