Rusiyanın TASS informasiya agentliyinə yeni baş direktor təyin olunub.

Sfera.az bildirir ki, Rusiya Federasiyasının Baş naziri Mixail Mişustin Sergey Mixaylovun TASS-ın baş direktoru vəzifəsindən azad edilməsi və onun yerinə Andrey Kondraşovun təyin edilməsi haqqında sərəncam imzalayıb.

Əvvəllər Ümumrusiya Dövlət Televiziya və Radio Yayımları Şirkətinin baş direktorunun birinci müavini vəzifəsində çalışmış 50 yaşlı Kondraşov 2018-ci ildə Putinin seçki qərargahının mətbuat katibi vəzifəsində çalışıb. Sergey Mixaylov isə 2012-ci ildən baş direktor vəzifəsini icra edib.

Qeyd edək ki, Kreml Ukrayna müharibəsi başlayandan bəri media üzərində nəzarəti gücləndirib. Bir sıra aparıcı müstəqil xəbər agentlikləri bağlanıb, bir çox jurnalist və nəşrlər “xarici agent” adlandırılıb.

Türkan