Arutyunyan danışıqlar üçün Bakıya nümayəndə heyəti göndərir? – İlginc AÇIQLAMA
“Qarabağdakı separatçı rejim Bakıya öz nümayəndələrini göndərmək istəyir”.
Bunu Sfera.az-a açıqlamasında politoloq Məhəmməd Əsədullazadə deyib. O, Rusiyanın buna imkan vermədiyini iddia edib:
“Qondarma rejimin başçısı Arayik Arutunyan situasiyanın çətinliyini qəbul edərək, çıxılmaz vəziyyətə qalıb. Rusiya Qarabağda silahlı erməni birləşmələrinin əli ilə təxribatlara əl atır. Lakin fikrimcə, belə bir görüş Bakıda da olmasa, Ağdamda baş tuta bilər. Azərbaycan birbaşa Rusiyanın iştirakı olmadan ünsiyyətdə maraqlıdır”.
Ekspert bildirib ki, Arayik də özünə təhlükəsizlik zəmanətinin verilməsini istəyir:
“Lakin Rusiya prosesi sabotaj edir. Qarabağda reinteqrasiya prosesinə, birbaşa ünsiyyətə mane olan rus sülhməramlı qüvvələridir. Ermənistan hakimiyyəti separatçıların danışaqlara getməsi üçün xəbərdarlıq edirlər. ABŞ-nin Ermənistandakı səfiri də Qarabağda ermənilərin Azərbaycanın tərkibində qalmasının zəruriliyini vurğulayıb. Düşünürəm ki, yaxın aylarda Azərbaycanın Xankəndi və ətrafında yuridiskiyası bərpa olunacaq”.
Günay Rəsulqızı
