Ukrayna işğaldan azad etdiyi ərazilərin SAHƏSİNİ AÇIQLAYIB

Ukrayna müdafiə nazirinin müavini Anna Malyar ötən həftə azad edilən ərazilərin sahəsini açıqlayıb.

Sfera.az xəbər verir ki, nazir müavini şərqdə azad edilmiş ərazinin 9 kvadrat kilometr, cənubda isə 28,4 kvadrat kilometr olduğunu bildirib. Ümumilikdə 37,4 kvadrat kilometr ərazi işğaldan azad olunub.

Malyar sosial media hesabından verdiyi açıqlamada deyib ki, Ukrayna ordusu Baxmut istiqamətində irəliləyir. O, söyləyib ki, Rusiya ordusu Port, Avdiyivka və Marinka istiqamətində hücum cəhdləri edir. Malyar qeyd edib ki, rusların bu istiqamətlərdəki cəhdləri uğursuz olub:

“Bu istiqamətlərdə şiddətli toqquşmalar baş verir. Son bir həftədə əməliyyat şəraitinin yaxşılaşdırılması və cəbhə xəttinin genişləndirilməsi nəticəsində azad edilən ərazi 9 kvadrat kilometr artıb".

Ukraynanın cənubdakı müdafiə qüvvələrinin Melitopol və Berdyansk istiqamətlərində hücum əməliyyatlarını davam etdirdiyini vurğulayan Malyar son bir həftədə cənub cəbhəsində azad edilən ərazilərin 28,4 kvadrat kilometr artdığını söyləyib.

Qeyd edək ki, Ukraynanın təxminən 100 min kvadrat kilometr ərazisi hələ də işğal altındadır.

Vasif