“Real Madrid” və PSJ Mbappe ilə bağlı razılığa gəldi

İdman
16:09 / 01.07.2023
2937
Fransanın “Paris Saint-Germain” klubunun hücumçusu Kilian Mbappenin “Real Madrid”ə transferi ilə bağlı müqavilənin bağlanması məlum olub.
Bu barədə jurnalist Fransua Qallardo tviter səhifəsində yazıb.
Qallardonun sözlərinə görə, tərəflər sövdələşmənin bütün şərtləri ilə bağlı razılığa gəliblər. Mbappe gələn həftə Madrid klubuna keçəcək. Köçürmənin məbləği isə hələ ki, açıqlanmır.
Qeyd edək ki, Mbappe 2018-ci ildən parislilərin heyətində çıxış edir. Hücumçunun komanda ilə hazırkı müqaviləsi 2024-cü ilə qədər bir mövsümlük uzadılma variantı ilə nəzərdə tutulub.