Hava ilə bağlı XƏBƏRDARLIQ: iyulun 1-dək... 

Milli Hidrometeorologiya Xidmətinin Proqnozlar bürosunun direktoru Gülşad Məmmədova bildirib ki, Bakıda və Abşeron yarımadasında havanın əsasən küləkli keçəcəyi gözlənilir.

G.Məmmədovanın sözlərinə görə, bölgələrdə isə hava şəraiti yağıntılı keçəcək. Yağıntının leysan xarakterli olacağı ehtimal olunur. Dağlıq və dağətəyi rayonlarda yağıntılar intensiv xarakterli olacaq. Gözlənilən hava şəraiti ilə əlaqədar çaylarda suyun səviyyəsi arta bilər. Sel və daşqın ehtimalı var.

Dağlıq ərazilərdə gözlənilən sel səbəbi ilə insanlara çay hövzələrindən kənar durmaq tövsiyə edilir. Qeyri-sabit hava şəraiti iyulun 1-dək davam edəcək.