Rusiyanın İrkutsk vilayətində Orta Asiyadan olan işçilərin kütləvi davası olub.
 

Sfera.az bildirir ki, Tacikistan və Qırğızıstandan gələn 300-ə yaxın növbəli işçi yeməkxana növbəsindəki yerlərini bölüşə bilməyib.
 

Qeyd olunur ki, Jiqalovski və Kazaçinsko-Lenski rayonları ərazisində yerləşən Kovıxta qaz-kondensat yatağında kütləvi dava baş verib.
 

Münaqişə Rusiyaya işləmək üçün gələnlərdən birinin növbədən yayınmağa çalışması səbəbindən başlayıb. Nahardan sonra Qırğızıstan vətəndaşları rəqiblərinin müvəqqəti yaşayış yerlərinə yaxınlaşaraq mübarizəni davam etdiriblər.
 

Qırğızıstan vətəndaşları nahar bitdikdən sonra həmkarlarından qırğın törədib və “intiqam” alıblar. Davanın ən fəal iştirakçılarından 9-u müxtəlif dərəcəli bədən xəsarətləri alaraq xəstəxanaya yerləşdirilib.
 

Kütləvi davada ən fəalların hər iki tərəfdən doqquz nəfər olduğu bildirilir. Miqrantlar müxtəlif dərəcəli bədən xəsarətləri ilə-kəsilmiş baş yaraları, beyin silkələnməsi və qançırlarla təcili tibbi yardım məntəqəsinə göndəriliblər.
 

Rusiya polisi kütləvi davanın təfərrüatlarını araşdırır. Bundan əlavə, miqrantlar arasında insident barədə İrkutsk Xarici İşlər Nazirliyinin şöbəsinə məlumat verilib.

Aysel

Sfera.az