Azərbaycan Dövlət Neft Fondu (ARDNF) fəaliyyətə başladığı dövrdən 2023-cü ilə qədər 66 ölkəyə və 17 valyutada investisiya qoyub.

Sfera.az xəbər verir ki, hazırda investisiyaların daha çox hissəsi Şimali Amerikaya, əsasən də ABŞ-yə yönəldilib. Şimali Amerikaya cəmi invesiyaların 33,4 faizi, yəni 16,37 milyard dolları qoyulub. 

Cəmi sərmayələrin 29,6 faizi (14,51 milyard dolları) Avropa ölkələrinə, 16 faizi (7,84 milyard dolları) Asiya ölkələrinə, 0,8 faizi (392 milyon dolları) Avstraliya və Yeni Zelandiyaya, 0,4 faizi (196 milyon dollar) Yaxın Şərq ölkələrinə, 0,1 faizi (49 milyon dolları) Cənubi Amerika ölkələrinə yatırılıb. 

Digər investisiyaların 7,6 faizi Beynəlxalq Maliyyə Təşkilatlarına, 12,1 faizi qızıla yönəldilib. 

Yaranma tarixindən 2022-ci ilin sonuna qədər ARDNF investisiyalardan toplamda 7,8 milyard dollar gəlir əldə edib ki, bu da illik ifadədə 2,3% gəlirliliyə bərabərdir. 2022-ci ildə Fond 5,2% zərər edib.

Ümumilikdə, ARDNF-in gəlirləri 184 milyard dollar olub. Bunun 176,2 milyard dolları neft-qaz sazişlərindən daxil olan gəlirlər, 7,8 milyard dolları isə investisiya qoyuluşundan əldə edilən gəlirlərdir. 

ARDNF-in investisiya gəlirlərinin 7,8 milyard dollar olması, yəni az olması sərmayə qoyuluşunun məbləğinin az olması ilə bağlıdır. Belə ki, Fondun 176,2 milyard dollarlıq ilkin gəlirinin 118,2 milyard dolları dövlət büdcəsinə transfert edilib, 11,8 milyard dolları müxtəlif layihələrin maliyyələrşdirilməsinə xərclənib, 0,4 milyard dolları Fondun inzibati xərclərinə yönəldilib. İnvestisiya qoyuluşuna isə cəmi 45,8 milyard dollar ayrılıb. Əgər ilkin gəlirlərin hamısı investisiya edilsəydi, o halda, daha çox gəlir əldə olunacaqdı. 

Vasif