“Vaqner”in üsyanı Rusiyaya “arxadan bıçaq zərbəsi”dir”.

Sfera.az bildirir ki, bunu xalqa müraciətində Vladimir Putin deyib. O, qeyd edib ki,  Rusiya ordusuna qarşı silah qaldıran hər kəs cəzalandırılacaq.

“Rostovda vəziyyəti sabitləşdirmək üçün qətiyyətli addımlar atılacaq”, deyə Rusiya lideri əlavə edib. O, həmçinin Rusiyanın öz gələcəyi üçün ən çətin döyüşdən keçdiyini vurğulayıb və qiyam təşkil edənləri dayanmağa çağırıb.

Qeyd edək ki, bundan qabaq Rusiyada hərbi qiyam qaldıran "Vaqner" hərbi qrupunun Rostov şəhərində nəzarəti ələ keçirildiyi bildirilib. Rostov əyalətinin qubernatoru Vasili Qolubev əhalidən mümkün qədər evlərdən çıxmamağı, şəhərin mərkəzinə getməməyi xahiş edib. O həmçinin, şəhər idarələrinə öz fəaliyyətlərini davam etdirməyi tapşırdığını bildirib.

Günay Rəsulqızı