Qurban bayramında kəsilmiş ətin istehlakı ciddi sağlamlıq problemlərinə səbəb ola bilər.

Sfera.az bildirir ki, buna səbəb isti hava şəraitidir. Mütəxəssislərin fikrincə, məhz bu səbəbdən qurban əti yeyərkən diqqətli olmaq lazımdır.  Qeyd olunur ki, ət 1 gün dondurucuda saxladıqdan sonra istehlak edilməlidir.

Türkiyəli dietoloq Veysəl Cigerli də Qurban bayramında kəsilən ətlərin günün istisində istehlak edilməsinin ciddi sağlamlıq problemlərinə səbəb ola biləcəyini söyləyib: “Əsasən həzmsizlik, qəbizlik, mədə xəstəlikləri, yüksək təzyiq, ürək döyüntüsü kimi sağlamlıq problemlərinin olması mümkündür.. Ət bədənimizin tikinti materialı olan zülalların ən mühüm mənbəyidir. Tərkibindəki keyfiyyətli zülallarla yanaşı, yağ, dəmir, maqnezium, sink kimi minerallar və B12, B6, B1 və A vitaminləri də yer alır. Amma qırmızı ətin tərkibində C və E vitaminləri yoxdur. Bu səbəbdən ətin tərəvəzlə bişirilməsi və ya onunla birlikdə tərəvəz istehlakı sağlam qidalanma üçün zəruri və vacibdir”.

Mütəxəssis həmçinin bildirib ki, qızartma üsulu ilə bişmiş ət yeməklərini mümkün qədər az istehlak etmək sağlamlıq üçün daha yaxşıdır: “Bu üsulla hazırlanan yeməklər həzm baxımından çətinlik yaradır, həm də bədənimizdə vitamin və mineralların itkisinə səbəb olur”.

Türkan