“Gədəbəydə yaşanan hadisələrdən məkrli niyyətləri üçün istifadə etmək istəyənlər var”.

Sfera.az xəbər verir ki, bunu Milli Məclisin növbədənkənar iclasında deputat Elnur Allahverdiyev deyib. Millət vəkili bəzi qüvvələrin xalqla polisi üz-üzə qoymaq istədiyini bildirib:

"Polislə xalqı üz-üzə qoymaq istəyənlərin arzuları ürəklərində qalacaq. Sosial şəbəkələrdə qızışdırıcı şərhlər yazanları buna sövq edən dairələr var. Hər birimizin yaxınlarının içərəsində polis nəfəri var, hər birimizin temperamaneti müxtəlifdir. Hər birimiz hadisələrə müxtəlif reaksiya veririk. Əgər polis icazə veriləndən artıq sərtlik göstəribsə, onun barəsində ölçü götürüləcək. Bu kimi hadisələr zamanı polisin cəzalandırılması ilə bağlı məlumatlar ictimaiyyətlə bölüşülür. Polisin nümunəvi davranışları ilə bağlı da xeyli videogörüntülər izləmişik. Həmin görünütlüərdə olan polislərin hər biri əminəm ki, vətəndən ötrü canını verməyə hazırdır. Mən cəmiyyətimizi bu baxımdan ayıq-sayıq olmağa dəvət edirəm".

Əzizə Zeynal