“Bayden həqiqəti gizlədib”.

Sfera.az bildirir ki, bunu ABŞ dəniz kəşfiyyatının veteranı Cek Posobets “Titan” gəmisi ilə bağlı danışarkən deyib.

“ABŞ Hərbi Dəniz Qüvvələri bazar günü “Titan” sualtı gəmisinin partlamasını qeydə alsa da, Bayden bu xəbəri gizlətdi. O, həmin gündən bəri  həlak olan ekipaj üzvləri ilə bağlı həqiqəti demir”, - Cek Posobets “Twitter” hesabında yazıb.

O, ABŞ prezidentini həqiqətləri qurbanların ailələrindən gizlətməkdə və ictimaiyyətə yanlış məlumat verməkdə ittiham edib.

Qeyd edək ki,  turistləri "Titanik"in qəzaya uğradığı yerə aparan sualtı qayıq iyunun 19-da Atlantik okeanında itib. Sualtı qayığın göyərtəsində 5 nəfər olub. Məlumata görə, 3,8 min metr dərinlikdə olan qalıqlara turistlərin çatdırılması “OceanGate Expedition” şirkəti tərəfindən həyata keçirilir. Onun internet saytında yeddi günlük 250 000 dollarlıq səyahət reklamı verilir. Şirkət sonuncu dəfə iyunun 16-da davam edən ekspedisiya haqqında tvit paylaşıb.

Günay Rəsulqızı