Teleaparıcı Zemfira Adıgözəlova yeni fotosessiya etdirib.

Oxu.Az-a açıqlama verən aparıcı bildirib ki, bu fotosessiya ilə uşaqlıqdan ürəyində olan arzusunu az da olsa, gerçəkləşdirmiş olub.

"Hər zaman Mərkəzi Amerika, Meksika filmlərinə maraqla baxırdım. Orada kovboyların at çapmaları, həyatı mənə maraqlı gəlirdi. Uşaqlıqdan istəmişəm ki, hər hansı filmdə kovboy obrazında rol alım. Bu arzum reallaşmadığından, istədim fotosessiya ilə də olsa, özümü kovboy obrazında görüm”, - deyə Z.Adıgözəlova bildirib.

Aparıcı bu obrazı canlandırmaq üçün xeyli müddət hazırlaşdığını deyir:

"Bir neçə həftə atçılıq dərslərinə getdim. İstəyirdim fotolarda obrazımı tam olaraq canlandırım. Mən gördüyüm işə səhlənkar yanaşa bilmirəm. İnanıram ki, izləyicilər fotoları bəyənəcək”.

Teleaparıcının makiyajı üzərində stilist-vizajist Nura Babayeva çalışıb. Fotoların müəllifi Ruslan Teymurlatovdur.