Avropa İttifaqında Azərbaycan-Ermənistan dialoqu ilə bağlı dinləmə keçiriləcək
Avropa İttifaqının Xarici Əlaqələr Şurası iyunun 26-da Azərbaycan və Ermənistan arasında dialoqa dair məlumatların dinlənilməsini həyata keçirəcək.
Sfera.az xəbər verir ki, bu barədə iclasın ilkin gündəliyində qeyd olunub.
"Lüksemburqda Ukraynada baş verənlər müzakirə ediləcək. Gündəlikdə həmçinin Tunis, Ermənistan və Azərbaycan, həmçinin Belqrad və Priştina arasında dialoqa dair məlumatların dinlənilməsi də var. Sonra Aİ xarici işlər nazirləri 2023-cü il iyulun 17-18-nə planlaşdırılan Aİ-Latın Amerikası və Karib Hövzəsi Birliyi (CELAC) sammiti ərəfəsində Avropa İttifaqı ilə Latın Amerikası və Karib hövzəsi dövlətləri arasında münasibətlərə dair fikir mübadiləsi aparacaqlar. ”, - məlumatda deyilir.
Şura həmçinin rəqəmsal diplomatiya ilə bağlı müzakirələr keçirəcək və bu məsələ ilə bağlı nəticələrin qəbulu gözlənilir.
Əzizə