İran İslam Respublikası 20 ölkəyə qarşı ittiham irəli sürüb.

Sfera.az "İran İnternational"a istinadən xəbər verir ki, İranın kəşfiyyat rəhbəri Məhəmməd Kazemi İsraili və digər 19 ölkəni hicab qaydalarını pozduğuna görə həbs edilən gənc qadın Məhsa Əmininin ölümü ilə bağlı İslam Respublikasında kütləvi etirazları qızışdırmaqda ittiham edib.

"İslam İnqilabı Keşikçiləri Korpusunun kəşfiyyat xidmətlərinin apardığı araşdırmalar göstərir ki, iğtişaşlarda 20-yə yaxın ölkə iştirak edib. ABŞ, Böyük Britaniya, Fransa, Almaniya, Kanada, Belçika, İtaliya və İsrail “etirazları təşviq edən” ölkələr arasındadır", - Kazemi deyib.

Qeyd edək ki, ailəsi ilə Tehrana qohumlarını ziyarətə gedən 22 yaşlı qız Məhsa Əmini ötən il Ərşad patrulu tərəfindən həbs olunaraq Əxlaqi Təhlükəsizlik Polisinə təhvil verildikdən bir neçə saat sonra komaya düşüb və Kəsri xəstəxanasında dünyasını dəyişib.

Əzizə