İranda daşqınlar 19 nəfərin canını aldı
Dünya
12:50 / 20.06.2023
9232
İranda daşqınlar nəticəsində 19 nəfər ölüb, 3 nəfər itkin düşüb.
Sfera.az xəbər verir ki, bu barədə İslam Respublikasının Qızıl Aypara Cəmiyyətinin Xilasetmə Xidməti Təşkilatının rəhbəri Babək Mahmudi məlumat verib.
“Son 27 gün ərzində Qızıl Ayparanın xilasediciləri tərəfindən 14 yaralı və xəstə (o cümlədən 2 hamilə qadın) müalicə mərkəzlərinə çatdırılıb, 3 zərərçəkənə hadisə yerində lazımi xəstəxanayaqədər tibbi yardım göstərilib. Təəssüf ki, bu müddət ərzində 10 əyalətdə 30 soydaşımız həlak olub”, - Mahmudi bildirib.
Təşkilat rəhbərinin sözlərinə görə, indiyədək xilasetmə xidmətləri ölkənin 23 vilayətində 50 minə yaxın insana yardım edib.
Əzizə