Avropa İttifaqı Rusiyadan neft idxalını KƏSKİN AZALTDI - STATİSTİKA
Avropa Statistika İdarəsi (Eurostat) mart ayında üzv ölkələrin Rusiyadan xam neft və neft məhsulları idxalı ilə bağlı məlumatı açıqlayıb.
Sfera.az xəbər verir ki, Avropa İttifaqı ölkələrinin (Aİ) Rusiyadan xam neft və neft məhsullarının ümumi idxalı 1,4 milyon ton olub.
Məlumatdan görünür ki, Rusiyadan idxalın həcmi dəfələrlə azalıb. 2019-2022-ci illərdə idxal ayda 15,2 milyon ton səviyyəsində olub. Müqayisə göstərir ki, Aİ-nin Rusiyadan xam neft və neft məhsullarının ümumi alışı martda 90 faiz olub və ya azalıb.
Aİ müharibədən əvvəl, 2022-ci ilin yanvarında Rusiyadan 12,4 milyon ton xam neft idxal edib. Sanksiyalar çərçivəsində embarqo tətbiqinin qüvvəyə mindiyi 2022-ci ilin dekabrında Aİ-nin xam neft idxalı 70 faiz azalaraq 3,7 milyon tona düşüb.
Aİ-nin Rusiyadan neft alışını tam dayandırmamasının səbəbi sanksiyaların idxala qismən imkan yaratmasıdır.Müharibədən əvvəl Aİ ölkələri neftin təxminən 25 faizini və təbii qazın 40 faizini Rusiyadan alırdı.
Vasif