Əlinin içində "M" hərfi varsa...

Araşdırmalar zamanı məlum olub ki, insanların əksəriyyətinin əllərində "M" hərfinə bənzər xətlər olur. Bu hərf ürək, baş və həyat  xətlərinin birləşməsindən meydana gəlir. Çində və Hindistanda minilliklərə söykənən "falçılıq sənəti" ilə məşğul olanlar bu mövzuda çoxlu sayda fikirlər açıqlayıb. Sən demə, bu hərfə sahib olan şəxslərin motivasiyası son dərəcə yüksək olur.

Sfera.az atv.az-a istinadən bildirir ki,  bu insanlar karyeralarında  da böyük uğurlara imza atırlar. Xüsusilə jurnalistika, yazıçılıq, təhsil ilə əlaqədar peşələr, sanki, bu insanlar üçün yaradılıb. Bu insanlar peşələrində yüksəlir və idarəçilik mövqeyinə gəlib çatırlar. Onlar digərlərinin xarakterlərini də çox yaxşı çözmə xüsusiyyətinə malikdirlər. Eyni zamanda, yalanlar arasındakı tək doğrunu, əyrilər arasındakı düzü görən insanlardır. Son dərəcə qərarlı və əzmli olan bu insanlar, enerjilərini doğru yönəldə bildiklərinə görə inanılmaz uğura imza atırlar. Pulu idarə etmə mövzusunda da xeyli müvəffəqiyyətlidirlər. Bu da onların rahat bir həyat sürmələrində yardımçı olur.

Qeyd edək ki, söhbət qələm tutduğunuz əlinizdəki "M" hərfindən yox, digər əlinizdən gedir. Yəni sağ əlində qələm tutanlar sol əldəki ovuca, solaxaylar isə sağ əldəki ovuclarına nəzər salsınlar.