"Kat's Creepy Creations" ("Creepy Creations of Kat") onlayn mağazasının sahibi olan rəssam Ketrin Maklin qeyri-qanuni yollarla insan qalıqları alıb və onlardan İnstaqramda satış üçün qorxulu sənət əsərləri yaradıb.
 

Sfera.az “CBC-News”a istinadən bildirir ki, Kathryn McLean işi üçün istifadə etdiyi insan qalıqlarının meyitxanadan oğurlanmasından sonra ABŞ-da məhkəməyə verilib.
 

44 yaşlı Maklin çərşənbə günü günortadan sonra oğurlanmış malların daşınmasında ittiham olunduğu Boston federal məhkəməsinə çıxarılıb.
 

Prokurorlar bildiriblər ki, sənətçi qanunsuz olaraq Harvard Tibb Məktəbinin meyitxanasının keçmiş rəhbəri Sedrik Lodcadan 600 dollara qismən kəsilmiş iki baş alıb. Bədən hissələri təhsil məqsədilə məktəbə bağışlanıbmış.


İstintaqın məlumatına görə, Maklin bədən hissələrini mənfəət üçün satıb. Bunun üçün ABŞ qanunlarına görə maksimum cəza 10 ildir. Lakin zorakılıq olmayan cinayət olduğu üçün hakim onu ​​buraxıb.

Buna baxmayaraq, qadın nə vaxtsa yenə də Pensilvaniya məhkəməsində iştirak etməli olacaq.
 

Qeyd edək ki, ilk dəfə 2020-ci ilin fevral ayında “zehni şoka salan və ruhu parçalayan yaradıcılıqlar” yaratdığını iddia edən kukla ustası Ketrin Maklin İnstaqramda əsl insan kəlləsindən hazırlanmış kukla şəklini yayımlayıb.
 

O, paylaşımına: "Bu kukla satılır və bəli, bu, əsl insan kəlləsidir. Əgər insan sümükləri bazarındasınızsa, mənimlə əlaqə saxlayın"-yazıb.

İndi onun onlayn mağazası bağlıdır, lakin jurnalistlər əvvəllər İnstaqramda “Kat's Creepy Creations” səhifəsində yerləşdirilən kuklaların fotoşəkillərini saxlaya biliblər.

Aynil
Sfera.az