Azərbaycan əhalisinin aylıq ərzaq xərcləri ARTDI - STATİSTİKA
Azərbaycan əhalisinin ərzaq xərclərində artım davam edir.
Sfera.az rəsmi məlumatlara istinadən xəbər verir ki, bu ilin ilk 5 ayında əhali ərzaq məhsullarının alınmasına 11 milyard manata yaxın pul xərcləyib.
Ötən ilin eyni dövründə ərzaq xərcləri 9,22 milyard manat olub. Bu il ərzaq xərclərinin 1,78 milyard manat, yəni 19,3 faiz artması müşahidə edilib.
Ərzaq xərclərindəki artımın yalnız 2,2 faizi real artımdır. Xərclərdəki artımın digər hissəsi bahalaşma ilə bağlı olub.
Rəsmi məlumatlara əsasən, bu il əhali ərzağın alınmasına adambaşına 236 manat xərcləyib. Ötən ilin eyni dövründə adambaşına ərzaq xərcləri 202 manat idi.
2023-cü ilin yanvar-may ayları ərzində bir nəfərin aylıq ərzaq xərci orta hesabla 34 manat, dörd nəfərlik ailənin isə 136 manat artıb.
Vasif
