Kanadanın Manitoba əyalətində cənub istiqamətində sərnişin avtobusu ilə yük maşını toqquşub, nəticədə 15 nəfər həlak olub.
 

Sfera.az bildirir ki, qəza Karberi şəhəri yaxınlığında yerli kazinoya gedən avtobusla yük maşını arasında toqquşma baş verib. Qəza zamanı avtobusda əksəriyyəti yaşlı olmaqla 25-ə yaxın insan olub.
 

Toqquşma nəticəsində 15 nəfər həlak olub, daha on nəfər müxtəlif dərəcəli bədən xəsarətləri ilə xəstəxanaya yerləşdirilib. Yaralıların vəziyyəti ağırlıq dərəcəsinə görə dəyişir. Hər iki avtomobilin sürücüsü sağ qalıb və həkim nəzarətindədirlər.


Yerli polis hadisə yerində araşdırma aparır, lakin hazırda qəzaya görə kimin məsuliyyət daşıdığı hələ müəyyən edilməyib. Polis hadisənin səbəblərivə şəraitini müəyyən etmək üçün sübutlar toplayır, məlumatları təhlil edir və şahidləri dindirir.

Aynil

Sfera.az