Oreqon Dövlət Kitabxanası (ABŞ) bu yaxınlarda Corc Oruellin "1984" əsərinin bir nüsxəsini 65 ildən sonra üzrxahlıq məktubu ilə geri qaytarıldığı haqqında məlumat yayıb.
 

Sfera.az bildirir ki, adının çəkilməsini istəməyən 86 yaşlı kişi düzgün iş görmək və vicdanını təmizləmək istəyib. O, üzrxahlıq məktubu yazıb və 65 ildən sonra kitabın ilk nüsxəsini geri qaytarıb.
 

Portlenddəki Multnomah County Kitabxanası bildirib ki, ilk nəşr olunan kitab kişinin Portlend Universitetində tələbə olarkən əlinə aldığını izah edən qeydlə birlikdə geri qaytarılıb.
 

İşçilər kitabın fotosunu, eləcə də əvvəlki sahibinin qoyduğu qeydi paylaşıblar.


 Multnomah County Library

“1958-ci ildə universiteti bitirmək ərəfəsində bu kitabı qaytarmaq istədim, amma nədənsə bacarmadım.

Yenidən oxuyandan sonra anladım ki, indi bu kitab həmişəkindən daha çox dövriyyəyə qaytarılmalıdır. Əhəmiyyətli hissələr 65 il əvvəl olduğu kimi bu gün də aktualdır (məsələn, 207-ci səhifədəki giriş mətni: Sadəcə internet və sosial media sözlərini əlavə etməklə siz 2023-cü il haqqında oxuyursunuz).

Gecikdiyim üçün üzr istəyirəm. 86 yaşımda nəhayət hər şeyi yoluna qoymaq istədim. Vicdanımı təmizləməyin vaxtıdır”- notada deyilir.

Kitabxanadan bildiriblər ki, vaxtı keçmiş kitaba görə ödəniş tələb olunmayacaq, çünki artıq cərimə sistemi mövcud deyil.

Xanım

Sfera.az