Daşkəsən şəhərində yerləşən restoranların birində keçirilən məclisdə qonaqlar arasında yaşanan mübahisə davaya çevrilib, xəsarət alan var.

Sfera.az-ın məlumatına görə, rayon sakinlərindən biri tərəfindən övladının məktəbi bitirməsi münasibəti ilə təşkil edilən məclisdə qonaqlar arasında dava düşüb.

Mübahisə zəminində Daşkəsən rayon sakini, 1997-ci il təvəllüdlü İ.Cəfərov baş və üz nahiyəsindən xəsarət alıb.

O, Gəncə şəhərində yerləşən xəstəxanaların birinə yerləşdirilib.

Hadisənin hansı səbəbdən baş verdiyi isə hələlik məlum deyil.

Faktla bağlı araşdırma aparılır. (Report)