İsveç Milli Muzeyində ətraf mühit fəallarının hərəkətini qeydə alan müşahidə kameralarının video görüntülərindən kadr


Stokholmda fransız rəssamı Klod Monenin “Givernidə rəssamın bağı” tablosunun olduğu qoruyucu səthə qırmızı boya sürtən iki qadın saxlanılıb.

Sfera.az İsveç xəbər portallarına istinadən bildirir ki, rəsm muzeydə “Bağ” sərgisi çərçivəsində nümayiş etdirilib və qoruyucu şüşənin altında olub. İsveç Milli Muzeyinin bərpaçıları hazırda kətanın özünə hər hansı zərərin dəyib-dəymədiyini yoxlayırlar.

Stokholm polisi cinayəti ağırlaşdırılmış vandalizm kimi qiymətləndirib. Hələ ki, hadisənin sənət əsərinə necə təsir etdiyi barədə rəsmi açıqlama verilməyib.

Aksiya zamanı iştirakçılar iqlim dəyişikliyi təhlükəsi ilə bağlı ifadələr səsləndiriblər. Onlar da özlərini bu sənət əsərinin çərçivəsinə yapışdırıblar.

Ekoloji fəal qruplardan birinin sözçüsü Helen Valqren bildirib ki, bu aksiyanın məqsədi İsveç hakimiyyətinə ölkədə istixana qazlarının tullantılarını azaltmağın zəruriliyini nümayiş etdirməkdir.

"Vəziyyət təcilidir. Bir tibb bacısı olaraq izləməkdən imtina edirəm. Pandemiya iqlimin dağılması ilə müqayisədə heç nə deyil. Bu, ölüm-dirim məsələsidir"-deyə qadınlardan biri qışqırıb.

"Bağ" adlı sərginin bağlandığı açıqlanıb, lakin tezliklə yenidən ictimaiyyətə açılacağı gözlənilir.

Aynil
Sfera.az